Suzuki го подобри изгледот на својот neo-retro sport touring модел GSX-8TT со воведување на впечатливата боја Candy Darling Red. Оваа нова верзија внесува свежина во дизајнот на мотоциклот, комбинирајќи ја интензивната црвена нијанса со златни тркала и ревидирана графика.

Семејството Ninja ZX-10R, кое досега донесе седум титули во World Superbike шампионатот, влегува во сезоната 2027 со потврдени перформанси и аеродинамични подобрувања. Кавасаки продолжува со својот препознатлив пристап кон суперспортската класа, нудејќи ги моделите Ninja ZX-10R и ексклузивната Ninja ZX-10RR.

Една од најважните скалила на патот кон MotoGP повторно ја започнува потрагата по идните ѕвезди на светскиот мотоциклизам. Вкупно 127 млади возачи од 45 земји се поканети на селекцискиот настан за Red Bull MotoGP Rookies Cup 2027, кој ќе се одржи во Guadix, во јужниот дел на Шпанија.

Тимот Aruba.it Racing – Ducati официјално го потврди ангажманот на Франко Морбидели за сезоната 2027 во Светскиот шампионат во Superbike. Италијанскиот возач ќе седне на фабричкиот Ducati Panigale V4 R, мотоциклот што оваа сезона го возеше актуелниот светски шампион Никола Булега.

Марк Маркез се најде во центарот на вниманието откако на промотивниот картинг настан се појави негов двојник облечен во неговата препознатлива црвена облека и кацига. Иако картингот со број 93 беше на патеката, самиот возач не учествуваше во предизвикот, кој на крајот го доби Чантра во „фото-финиш“ пред Акоста.

Ромен Февр на најдобар можен начин се прости од тимот на Kawasaki Racing Team MXGP, остварувајќи емотивна победа во една од трките на овогодинешниот Мотокрос на нациите, што се одржа на патеката „Рејмонд Деми“ во Ерне, Франција.

Хорхе Мартин останува лидер во генералниот пласман во MotoGP шампионатот за 2026 година и по трката за Големата награда на Јапонија. Иако Марк Маркез оствари двојна победа на патеката Мотеги, Мартин со освоеното второ место успеа да ја задржи предноста во трката за титулата, која сега се сведува на дуел меѓу овие двајца возачи.

Возачот на Gresini, Алекс Маркез, доби казна Double Long Lap Penalty поради предизвикување на судир во првиот круг на спринт трката за Големата награда на Јапонија.

Марк Маркез триумфираше на спринт трката за Големата награда на Јапонија на патеката Мотеги, откако со одличен старт го презеде водството уште во првата кривина. Трката ја одбележаа и казните за Хорхе Мартин и Енеа Бастианини, кои поради газење на зелената површина во последната кривина беа поместени за една позиција подолу во конечниот пласман.

Во индустријата каде што многу стартапи се појавуваат со прототипови и брзо исчезнуваат, Zero Motorcycles успеа да опстои две децении, од основањето во гаража во Калифорнија во 2006 година до денес. За да ја одбележи оваа 20-годишнина, компанијата претстави ексклузивна серија на моделот SR/F, ограничена на само 40 примероци за целиот свет.

LS2 го претстави Spectrum EVO, ажурирана верзија на својот популарен интерком систем, кој сега овозможува управување со главните функции преку гласовни команди.

Алекс Маркез (BK8 Gresini Racing) го заврши петочниот тренинг на патеката Мотеги со најбрзо време и нов рекорд на патеката од 1'42.811. Во исклучително израмнетата конкуренција, дури 18 возачи се најдоа во рамките на помалку од една секунда разлика.

Франческо Бањаја имаше разочарувачки почеток на тркачкиот викенд на патеката Мотеги, завршувајќи на 16-тото место во претквалификациите. Поради овој резултат, актуелниот шампион ќе мора да ја бара својата шанса за влез во борбата за пол-позицијата преку првиот квалификациски сегмент (Q1).

Светското првенство во издржливост (FIM Endurance World Championship) го објави официјалниот календар за сезоната 2027, потврдувајќи ја структурата од четири клучни трки која ја задржува конзистентноста од претходната година.

BMW Motorrad го претстави новиот F 450 R, компактен нејкед модел развиен за A2 категоријата. Со 48 КС, 175 kg тежина подготвен за возење и дизајн инспириран од S 1000 R, новиот модел треба да понуди спортски карактер во подостапен формат.

Ducati ја претстави новата Multistrada V4 S Grand Tour, верзија создадена за возачите кои сакаат долги патувања без дополнително да ја доопремуваат машината. Радарски систем, странични куфери, греани седишта и рачки, дополнителни LED светла и електронска полуактивна суспензија доаѓаат како стандарден дел од пакетот.

Четири дена, десетици илјади мотоциклисти, повеќе од 2.000 тест возења, асфалт, кал, custom мотоцикли, музика и паради – петтото издание на Italian Bike Week покажа дека Лињано Сабиадоро веќе има уште еден голем мото настан покрај Biker Fest International.

HJC ја прошири својата понуда со новиот модел F72, спортска/туринг кацига која според производителот претставува нова генерација на перформанси. Моделот е дизајниран со примарен фокус на намалување на вкупните димензии, помала тежина и подобрена звучна изолација за поголема удобност при долги патувања.

Honda официјално потврди дека Red Bull се враќа како спонзор на нејзиниот фабрички MotoGP тим, почнувајќи од сезоната 2027. Оваа соработка, која претходно беше прекината пред четири години по заминувањето на Марк Маркез од HRC, означува нов стратешки чекор за јапонскиот производител во пресрет на воведувањето на новите правила за агрегати од 850 кубика.

Kawasaki ја освежува својата популарна Ninja 650 за 2027 година, фокусирајќи се на подобрување на спортските перформанси преку значајни измени во предната суспензија и сопирачкиот систем. Моделот ја задржува својата препознатлива филозофија „Fun-Style-Easy“, комбинирајќи го докажаниот агрегат со нови компоненти кои овозможуваат попрецизно управување.

Шампионатот WorldSBK го официјализираше календарот за 2027 година, кој вклучува вкупно 12 тркачки викенди. Најзначајните новитети се првото гостување на серијата во Кина и враќањето на патеката во Валенсија во календарот.

Во MotoGP падокот повторно се актуелизираат шпекулациите за можното повлекување на Red Bull од партнерството со KTM. Иако во јули годинава KTM официјално го потврди продолжувањето на соработката за 2027 година, новите извештаи сугерираат дека енергетскиот гигант сепак би можел да се пресели кај Honda за периодот 2027-2028.

Liberty Media Corporation и Dorna Sports S.A. потпишаа нови петгодишни договори со сите единаесет тимови во MotoGP, кои ќе бидат во сила од 2027 до крајот на 2031 година. И покрај официјализирањето на соработката, во позадина се водат интензивни преговори за иднината на шампионатот, каде во фокусот е воведувањето на ограничување на буџетите, слично на моделот што веќе се применува во Формула 1.

По европскиот дел од сезоната, MotoGP шампионатот се сели во Азија за Motul Големата награда на Јапонија. Возачите ги очекува легендарната патека Mobility Resort Motegi, домот на јапонското Гран При и една од најтехничките и најпредизвикувачките патеки во календарот.

Љубителите на мотоциклите, добрата храна и позитивната атмосфера повторно ќе имаат причина за дружење на четвртото издание на BikeMeet & Food Fest. Настанот прераснува во традиција која секоја година обединува моторџии, семејства, пријатели и сите оние кои сакаат квалитетна забава на отворено.

Кинеските производители ZXMOTO и CFMOTO подготвуваат сериозен пробив во светот на мотоциклистичките трки, со амбициозни проекти што имаат за цел да им парираат на европските и јапонските брендови во шампионатот WorldSBK.

Додека SBK шампионатот го круниса новиот шампион Николо Булега, кој веќе се подготвува за своето деби во MotoGP, борбата за титулата во кралската класа останува крајно неизвесна. Претстојната трка за Големата награда на Јапонија во Мотеги, која ќе се одржи од 2 до 4 октомври, го означува почетокот на вон-европскиот дел од сезоната и ќе биде клучен тест за сите кандидати.

Обидот на Сем Сандерленд да постави нов светски рекорд за најбрзо патување околу светот со мотоцикл заврши предвреме, откако неговиот Triumph Tiger 1200 Rally Explorer претрпе оштетување во Австралија.

Маверик Вињалес ќе се врати на MotoGP патеките овој викенд на Големата награда на Јапонија, откако успешно го заврши најважниот дел од рехабилитацијата по операцијата на рамото.

Христијан Бузалковски ја заврши сезоната 2026 со еден од најголемите успеси во својата кариера – вицешампионска титула во FIM Europe STK1000.

Македонските мотоциклисти го заокружија тркачкиот викенд на A1 Motor Park во Бугарија, со кој заврши сезоната во брзински мотоциклизам за 2026 година. Христијан Бузалковски, Петар Мијалков, Синиша Кочоски и Слободан Ивчески имаа свои причини за задоволство по последните трки од сезоната, со подиуми, лични рекорди и значајни пласмани во различните шампионати.

Николо Булега е новиот светски шампион во Superbike за 2026 година, со што стана првиот италијански возач што ја освоил титулата во оваа категорија со Ducati. Со второто место на трката 2 на патеката Кремона, Булега ја обезбеди титулата со две рунди пред крајот на сезоната, заокружувајќи ја доминацијата на италијанскиот производител во годината кога Ducati го слави својот стогодишен јубилеј.

...Си биле еднаш, едни брадести момци, со кожни јакни, тетоважи и брзи мотори, кои општеството не секогаш ги прифаќало со отворени раце (да, да, баш она општество кое во секоја втора реченица го користи зборот „инклузија“). И баш поради тоа што овие момци не се појавуваат како принцови на бели коњи, туку се карактеризираат со „бунтовнички“ стил на живот, околината брзо си донесува генерализиран „суд“. За многумина, тие се само „опасни момци“ кои го нарушуваат мирот, но, зад таа груба надворешност и специфична естетика, се крие една од најорганизираните, најсолидарните и најхуманите заедници во нашето општество.

BMW Motorrad преку официјалните канали објави тизер за нов naked мотоцикл со мала зафатнина, кој според сите најави ќе го носи името F 450 R. Официјалната премиера на овој модел, дизајниран специјално за возачи со А2 возачка дозвола, е закажана за четврток, 1 октомври, во 16:00 часот.

MotoGP официјално го објави календарот за сезоната 2027, која ќе биде обележана со 22 трки на пет континенти. Новата сезона започнува во март и ќе трае до крајот на ноември, носејќи низа возбудливи промени и дебитантски настапи на нови патеки.

Педро Акоста им кажал на оговорните во KTM дека неговата одлука да премине во Ducati не е мотивирана од финансиски причини, туку од желбата да се натпреварува против Марк Маркез со идентичен мотоцикл.

Enduro Team Vodno - Skopje денеска јавно го отвори прашањето за начинот на кој се распределуваат државните субвенции за македонските спортисти, откако објави износи што ги добиле неколку нивни мотокрос возачи за 2026 година.

Челниците на MotoGP официјално потврдија дека патеката Balaton Park во Унгарија повеќе нема да биде дел од календарот почнувајќи од сезоната 2027.

Ducati ја претстави Multistrada V4 Pikes Peak за 2027 година, која добива нова графика инспирирана од тркачките DesmosediciGP и Panigale V4 R на фабричките тимови во MotoGP и WorldSBK.

Извршниот директор на Aprilia Racing, Масимо Ривола, јасно стави до знаење дека тимот нема да применува тимски наредби сè додека и двајцата нивни возачи, Хорхе Мартин и Марко Бецеки, имаат математички шанси за освојување на титулата во сезоната 2026 во MotoGP.

Фермин Алдегер, возачот на Gresini Racing, беше подложен на нова хируршка интервенција за отстранување на еден од шрафовите од левата нога. Операцијата беше извршена во средата во болницата Hospital Universitari Dexeus од страна на д-р Игнасио Гинебреда, со цел да се ублажат тековните болки пред претстојната трка во Јапонија.

Honda и јапонскиот моден бренд Onitsuka Tiger официјално ја најавија својата соработка, спојувајќи ги световите на мотоциклизмот и модата. Како прв чекор од ова партнерство, на 23 септември 2026 година во Милано беше премиерно претставен концептот „Onitsuka Tiger Honda Mid Sports Concept“.

Претстојниот викенд, од 25 до 27 септември, новата патека A1 Motor Park во Самоков, Бугарија, ќе биде центарот на брзинскиот мотоциклизам во регионот. На едно место ќе се вози финалната рунда од Alpe Adria International Motorcycle Championship, трки во рамки на FIM Europe и BMU Европскиот шампионат, а викендот ќе се бодува и за Македонскиот шампионат во брзински мотоциклизам.

Тајландскиот возач Сомкиат Чантра ќе го замени Жоан Мир во тимот на Honda HRC Castrol на претстојната трка за Големата награда на Јапонија. Оваа промена во составот доаѓа откако Мир мораше да го продолжи своето закрепнување поради здравствени проблеми.

Промотерот на MotoGP шампионатот, Dorna, се соочува со сериозен стратешки предизвик во обидот да ја балансира националната застапеност на возачите во кралската класа. Иако спортот е глобален производ, доминацијата на шпанските и италијанските натпреварувачи создава недостиг од простор за таленти од други земји, што според челниците на шампионатот, може да влијае на комерцијалниот раст.

Кинеската индустрија за мотоцикли продолжува со забрзан развој, а најновиот доказ доаѓа преку ZXMOTO, компанијата основана од Жанг Ксуе, која официјално влегува во светот на професионалниот Rally-Raid со ангажирање на врвниот возач Скајлер Хаус.

Honda и Uber Eats Japan започнаа заеднички пилот-проект во септември, кој користи специјализирана апликација за анализа и оценување на безбедноста при возење на доставувачите со мотоцикли. Оваа иницијатива е дел од пошироката „Кампања за безбедно возење на Uber Eats“ и има за цел да ги подобри навиките на возачите преку систем на рангирање и стимулации.

Претстојниот викенд на патеката „Кремона“ (Angelo Bergamonti) во Италија може да биде историски за Николо Булега, кој е на чекор до освојување на светската титула во WorldSBK шампионатот. Италијанецот, кој доминираше во текот на сезоната со 26 победи од 27 трки, во моментов има предност од 146 поени пред својот тимски колега Икер Лекуона.

Христијан Илиоски – Кико е BMU европски шампион во MX1 за 2026 година. Македонскиот мотокрос ас ја обезбеди титулата на две рунди пред крајот на сезоната, откако во Унгени, Молдавија, победи во двете трки и освои максимални 50 поени.

Францускиот мотоциклист Лорис Баз се враќа на гридот на Светскиот супербајк шампионат (WorldSBK) за претстојната 10-та рунда од сезоната 2026, која ќе се одржи на патеката во Кремона.

Honda го освежува својот популарен градски скутер SH Mode 125 за моделската 2027 година, воведувајќи низа визуелни и технолошки подобрувања. Овој модел, кој е дел од семејството SH од 2014 година, досега забележа продажба од над 152.000 примероци во Европа во текот на својот дванаесетгодишен производствен циклус.